طاسة الخضة .. أصل الحكاية
كيف نشأت؟ وما هو أصل حكاية "طاسة الخضة" ؟
لو واحد يتصرع ولا يترعش ولا يخاف
يقولوله اسم الله عليك هاتوله طاسة الخضة
ليه هيقلوا الخضضان زى البيض دول ولاّ ايه ؟؟؟
اتارى الموضوع بجد وفيه حاجة كدا فعلا
والناس زمان كانت على قدها قوى وبسيطة وطيبة
ومفيش كليات طب ومعامل تحاليل وبتاع
وكان عندهم اعتقاد
انهم لما يجيبوا الوعاء النحاس الصغنن دا
والمرسوم عليه رسومات وطلاسم
ويملوه مية ويحطوه طول الليل ف الطّل
وبعدين ينشرب منه
فكدا ممكن يشفى التسمم ولسعة الحية والعقرب
والمغص والأمراض النفسية اللى اهمها طبعا الخضة !
والطاسة كان لها مواصفات معينة
وكتابات معينة
وعدد خروم ف النص معينة
وتتملى مية أو حليب
أو حتى تمر مغموس ف لبن
ويتشرب منها مرة أو مرات مختلفة
ومحدش قالنا كانت بتنفع فعلا الحكاية دى ولا ايه ؟؟
المهم ..
فيه طاسة خضة لقوها تنتمى لعصر المماليك
وتحديدا عصر السلطان عز الدين أيبك
وجايز تكون بتاعته هو شخصيا
ليه ؟؟
أصل معلش يعنى ..
اللى يتجوز واحدة زى تحية كاريوكا أو شجرة الدر
متفرقشى محتاجلة مش طاسة
دا عاوز طشت الخضة !
وبعدين سؤال وجودى: هما بيستعملوا الطاسة لمنع الخضة طب ماذا لو الطاسة اتسرقت؟
هيعملوا ايه ف الخضة بتاعت سرقة طاسة الخضة ؟؟؟
يقولوله اسم الله عليك هاتوله طاسة الخضة
ليه هيقلوا الخضضان زى البيض دول ولاّ ايه ؟؟؟
اتارى الموضوع بجد وفيه حاجة كدا فعلا
والناس زمان كانت على قدها قوى وبسيطة وطيبة
ومفيش كليات طب ومعامل تحاليل وبتاع
وكان عندهم اعتقاد
انهم لما يجيبوا الوعاء النحاس الصغنن دا
والمرسوم عليه رسومات وطلاسم
ويملوه مية ويحطوه طول الليل ف الطّل
وبعدين ينشرب منه
فكدا ممكن يشفى التسمم ولسعة الحية والعقرب
والمغص والأمراض النفسية اللى اهمها طبعا الخضة !
والطاسة كان لها مواصفات معينة
وكتابات معينة
وعدد خروم ف النص معينة
وتتملى مية أو حليب
أو حتى تمر مغموس ف لبن
ويتشرب منها مرة أو مرات مختلفة
ومحدش قالنا كانت بتنفع فعلا الحكاية دى ولا ايه ؟؟
المهم ..
فيه طاسة خضة لقوها تنتمى لعصر المماليك
وتحديدا عصر السلطان عز الدين أيبك
وجايز تكون بتاعته هو شخصيا
ليه ؟؟
أصل معلش يعنى ..
اللى يتجوز واحدة زى تحية كاريوكا أو شجرة الدر
متفرقشى محتاجلة مش طاسة
دا عاوز طشت الخضة !
وبعدين سؤال وجودى: هما بيستعملوا الطاسة لمنع الخضة طب ماذا لو الطاسة اتسرقت؟
بقلم / فاتيما