ماتصدقوش الكدابين .. شعر الاستاذ / رزق الفقي

 

 

ماتصدقوش الكدابين ..والطبالين
لاتنين شمال ومافيش يمين
مايهمهمش الحق فين...
ولامين بيظلم مظلومين

 كل الحكاية عندهم
الكرسي والسبوبه
و يبقوا قريبين

واحد بيندب عـ اللي فات
و بيبكي علي حلمه اللي مات
و تجارته دين

 

و التاني بيدق الصاجات
و يغني للملك اللي آت
و يقول آآمين

 

فوق ياوطن ده انت الوطن
وجاي عليك مليون خطر
إياك تصدق كدبهم
خليك أمين

فوق ياوطن ده أنت الوطن
وإن ضعت ..
ضاع الطيبين

---

شعر / رزق الفقي