شريط الأخبار

أنا وانت .. الشاعر الكبير / محمد قنديل





أنا وانت

=======
كن نسمة فى طريقنا الجاف

كن مركب وانا المجداف

كن بلسم يداوينى

وم الآحزان يخبينى

لاأخاف منك ولا أنت تخاف

تلاقى حياتنا ليها معنى

فى سكة حب تجمعنا

ولو جه يوم ودًمعنا

ها نتعكز على الاكتاف

ونمشيها

===

ها نتألم ... ونتعلم

وضد الموجه هانعوم

ها تشكيلى وهاحكيلك

وياما ها نختلف ونلوم

مافيش للدنيا لون واحد

ولا فى أحوالها بتدوم

مادام بتميل على كتفى

وأنا بسمه فى عنيك تكفى

ها يبقى الحزن شىْ هين

و مهما وقعنا هانقوم

ونمشيها

===

ها نتعاهد على الأخلاص

ونهجر أى سوء نيه

لاتسمع يوم كلام للناس

ولا تاخدك أنانيه

مدام دنيتنا تستاهل

نعيشها بحب وتساهل

تلاوعنا نداديها

ونروى بشوق صحاريها

ويبقى الصبر مجدافنا

ومهما تطول خطاويها

ها نمشيها
===
الشاعر / محمد قنديل                                     



ليست هناك تعليقات:

إرسال تعليق

مجلة قلمي الثقافية Designed by Templateism.com Copyright © 2014

صور المظاهر بواسطة Deejpilot. يتم التشغيل بواسطة Blogger.
Published By Gooyaabi Templates