أغنية الارض .. شعر : حازم مطر

 

اغنية الارض 

===
 واقف على ارضي
فلاح ومن صغرى
والفاس على ضهرى
وزرعتى بتكبر...

لعمر يوم ايدى
تتمد لحد غيرى
مطلبش غير حقى
الضهر اهو محنى
و قوتى من عرقي
الطين على جبينى
عايش ومتهنى

 ازاى عيزنى أبيع
وأنا فلاح فصيح
وبين الناس هوصل
الأرض مش للبيع
لو في السما طير
يطير من غير جناح
الأرض مش للبيع

 عايش بالى مرتاح
ودنيتي أرضى
وبيها أنا مرضى
لو رعيتها بتدى
وخيرها دا لبلدي

 تشوفني فلاح فقير
بالهيبة أنا كبير
عليها أنا بغير
الأرض دى عرضي
يا بنت يا بهية
الصبح في الفجرية
الأرض اهى بتنده
الزرعة مروية
عيزنى افرح بالبيع
وكلمتي تضيع
مليش أهمية

 يا عم لو تفهم
الأرض دى ملكي
ورثها عن جدي
لولادى من بعدى

---
 كلمات / حازم مطر